source of image: http://www.rmichelson.com/wp-content/uploads/2014/10/AF-The-Wolf-And-The-Crane-4_75x8_75.jpg
source of image: http://www.rmichelson.com/wp-content/uploads/2014/10/AF-The-Wolf-And-The-Crane-4_75x8_75.jpg

 

 يوه  ورځ  د  يوه  لېوه  په  ستوني  کښي  هډوکئ  بند  سوئ  وو ،  هر  څومره  يې  چي  د  ټوخي  له  لاري  ستونئ  پاک  کړ ،  هډوکئ  يې  له  ستوني  نه  را  و  نه و وت .  ډېر  په  عذاب  شو  ،  نو  زاڼي  ته  ورغئ  او  ورته  ويې  ويل : ”  هيله  کوم  چي  په  مشوکه  سره  دي  زما  د  ستوني  څخه  هډوکئ  را  و  باسې  او  کله  چي  دي  دا  کار  و  کړ ،  زه  حاضر  يم  چي  زياته  اجوره  در  کړم.»

زاڼي  ژر  خپل  سر  د  لېوه  په  خوله  ور  ننه  ايست   او  د  خپلي  اوږدې  مشوکي  په  واسطه  يې  هډوکئ  د  لېوه  له  ستوني  څخه  را  و  ايست .  او  لېوه  ته  يې  وويل :

”ملګريه !   اوس  نو  د  خپلي  وعدې  سره  سم  اجوره  راکړه.» 

لېوه  ورته  وويل : ”  ته  لا  خوشاله  نه  يې  چي  سر  دي  زما  په  خوله  ننه ايست  او  بيرته  دي  جوړ  او  تيار  را  و  ايست ”؟

ته  څرنګه  اجوره  غواړې ،  حال  دا  چي  ته  بايد  ما  ته  اجوره  را  کړې  او  را  څخه  خوشاله  و  اوسې  چي  ستا  سر  مي  و  نه  خوړئ.»

 

 ترتيب کوونکی :  عبدالعلي رسولزاده

منبع: www.pashto.se ، د ۲۰۱۷ کال د فبرورۍ لومړۍ نېټه

 

 د کاپي کولو په صورت کي د منبع او د بشپړ لينک زیاتول حتمي دي.

**************************************************
غوره ټېګونه:


**************************************************

هيله: لطفا زموږ سره مرسته وکړئ او راته د ماشومانو لپاره خپل نکلونه او اشعار راولېږئ. که غواړئ زموږ سره تماس ونيسئ نو پر دغه جمله کليک وکړئ.