source of image: https://s3.amazonaws.com/rapgenius/1380405601_Animal-Fox-Italian-1.jpg
source of image: https://s3.amazonaws.com/rapgenius/1380405601_Animal-Fox-Italian-1.jpg

 

يوه  ورځ  يوه  وږې  ګيدړه  د  يوه  کلي  پر  خوا  روانه  سوه .  کله  چي  کلي  ته  نژدې  سوه  و  يې  ليده  چي  يو  چاغ  چرګ  د  دانې  په  ټولولو  بوخت  دئ .  ګيدړه  د  چرګ  په  ليدو  سره  ډېره  خوشاله  سوه  او  د  خدای  شکر  يې  و  کيښ .  کرار  کرار  يې  ځان  چرګ  ته  ور  نژدې  کړ  او  ورته  ويې  ويل : ”  ما  د  ډېره  وخته  څخه  ستا  پلار پېژندئ،  هغه  زما  د  دوستانو  او  رفيقانو  څخه  وو .  زړه  وړونکئ  اواز  او  ښه  ځواني  يې  درلوده .  هر  وخت  چي  به  زه  پر  دې  لار  تېرېدم  نو  به  ورته  راغلم  او  د  ده  زړه  وړونکئ  اواز  به  مي  واورېدئ  نو  به  ډيري  ورځي  خوشاله  وم،  نه  پوهېږم  چي  ستا  اواز  څرنګه  دئ؟»

چرګ  ور  ته  وويل  : ”  زما  اواز  او  ځواني  که  زما  د  پلار  تر  هغې  ښه  نه  وي  بد  هم  نه  دي.»  د  ګيدړي  د  خوښۍ  د  پاره  يې   خپل  وزرونه  و  ښورول  او  سترګي  يې  پټي  کړې  په  اذان  کولو  يې  پيل  وکړ . پدغه  وخت  کي  ګيدړي  ژر  حمله  پر  وکړه  او  پخپلو  تېرو  غاښو  يې  و  نيوئ  او  د  غره  و  خوا  ته  روانه  سوه .  پدې  حال  کي  د  کلي  سپي  خبر  سوه  ټولو  په  ګيدړي  پسې  و  ځغستل  او  ګيدړي  ته  يې  ځانونه  ور  و  رسول .  ګيدړه  نه  پوهېده  چي  څه  وکړي  پدې  وخت   کي  چرګ  ور  ته  وويل  : ” اې  ګراني  ګيدړي  که  غواړې  چي  د  سپيانو  د  شر  څخه  ځان  خلاص  کړې  نو  ور  ته  ووايه  چي  دا  چرګ  ستاسي  د  کلي  نه  دئ .  کله  چي  ګيدړي  خوله  خلاصه  کړه  چي  خبري  وکړي،  چرګ  يې  د  خولې  څخه  ځان  خلاص  کړ  او  د  کلي  پر لور  يې  و  ځغستل .»

 

 ترتيب کوونکی :  عبدالعلي رسولزاده

منبع: www.pashto.se ، د ۲۰۱۷ کال د فبرورۍ لومړۍ نېټه

 

 د کاپي کولو په صورت کي د منبع او د بشپړ لينک زیاتول حتمي دي.

**************************************************
غوره ټېګونه:


**************************************************

هيله: لطفا زموږ سره مرسته وکړئ او راته د ماشومانو لپاره خپل نکلونه او اشعار راولېږئ. که غواړئ زموږ سره تماس ونيسئ نو پر دغه جمله کليک وکړئ.