109 ـ پنځه حسه ـ شعر

source of image: http://thumbs.dreamstime.com/z/five-senses-kids-19438104.jpg

 

 حسه پنځه دي د انسان

احساسوي په ځان جهان

حس يو د سترګو بينايي ده

حس د ړنا او تاریکي ده

ليدل په سترګو باندي کيږي

مور پلار دوستان په ليدل کيږي

د انسان بل حس اورېدل دي

په غوږو ږغ احساسېدل دي

و اورېدو ته دي غوږونه

ښايسته خبري ښه ږغونه

بويول بل حس د انسان دی

په وږمو ښکلی ګلستان دی

احساسوي يې پوزه بوی

وږمه د ګل او ناپاکۍ

بل حس د ژبي د خولې خوند دی

په خوندور د انسان ژوند دی

مالګي تروې ګوړي خوږې دي

د خوند په حس ټولي مزې دي

يو بل مهم حس لمسول دي

د زيږ او ښوی احساسول دي

د يخ و ګرم فرق په کيږي

په لوند او وچ پوست زموږ پوهيږي

شکر پکار دی هر انسان ته

حسه پنځه چي لري ځان ته

په پنځو حسو کي بايد وي

تقوا(۱) دي زما او ستا قايد(۲) وي

 

احمدولي اڅکزی، د ۲۰۱۶م کال د اپريل ۲۴مه نېټه، بون

 

۱ـ تقوا: صرف واوا او ښه چمونه کول او د کخ او خرابو چمونو او کارونو څخه ځان ساتل

۲ـ قايد: هغه څوک چي چا ته لاره ښيي

 

 د کاپي کولو په صورت کي د منبع او د بشپړ لينک زیاتول حتمي دي.

**************************************************

هيله: لطفا د ماشومانو لپاره په نکلونو او اشعار رالېږلو سره زموږ د دغې پروژې سره مرسته وکړئ. که غواړئ زموږ سره تماس ونيسئ نو پر دغه جمله کليک وکړئ.

د دغې پاڼې د ټولو مطالبو ليسټ او لينکونه پر لاندني لينک موندلای سئ:
http://bit.ly/2CiPaOg

که غواړئ چي د کوچنی ټکی کام ټول ږغيز مطالب پر يوه پاڼه ومومئ لاندني لينک ته ولاړ سئ:
http://bit.ly/2CcM918