061 ـ ګیدړه او انګور

 

ژباړن : اتل ترين - لندن

 

یو وخت یوه وږې ګیدړه یو ځنګله ته ولاړه. هلته ئې انګور ولیدل چي په تاک کي ځړیدل. هغې له ځان سره وویل چي دا انګور څونده خوندور ایسي. کشکي زما لاس وررسېدلای. ګیدړه درې واري وغورځېده او درې واري مځکي ته راولوېده. ګیدړه وږې، خوږ او ستړې سوه مګر انګور په لاس نه ورغلل. هغې انګورو ته وکتل، مخ ئې ځني واړاوه او له ځان سره یې وویل: پرېږده ئې، هغه تروه دي، زه به ولاړه سم، او یو بل شی به پیدا کړم. او هغه ځنګله څخه وږې ولاړه.

موږ د دې نکل څخه دا زده کوو چي موږ باید د یو څه د لاس ته راوړلو لپاره خپل اخیري کوښښ وکړو. که ئې بیا هم لاس ته رانه وړو نو باید ناامیده نه سو.

(د فرانسې له هیواد څخه)

 

منبع: http://larawbar.net/33389.html

 

 د کاپي کولو په صورت کي د منبع او د بشپړ لينک زیاتول حتمي دي.

**************************************************

هيله: لطفا د ماشومانو لپاره په نکلونو او اشعار رالېږلو سره زموږ د دغې پروژې سره مرسته وکړئ. که غواړئ زموږ سره تماس ونيسئ نو پر دغه جمله کليک وکړئ.