156 ـ بلبل او باز

source of image: https://img.posterlounge.de/images/wbig/poster-adler-225062.jpg

يوه  ورځ  بلبل  باز  ته  وويل : ” کله  چي  زه  خپل  حال  او  ستا  حال  سره  مقايسه  کوم  پر  خپل  حال  مي  ژړا  راځي  ځکه  ته  پر  ټولو  خلکو  ګران  يې .  عادي  خلک  لا  څه  چي  پاچاهان  دي  پر  خپلو  لاسو  کښېنوي   او  له  يوه  ځايه  دي  بل  ځای  ته  وړي .  حال  دا  چي  هيڅ  غږېدلای ( ږغېدلای )  نه  شې .  خو  زه  سره  له  دې  چي  ښه  اواز  لرم او  خوندوري  سندري  وايم ،  په  شپو ،  مياشتو  او  حتا  په  کلو  کلو  په  کپس  کښي  بندي  يم 

باز  وويل : ”  ايا  پوهېږې  چي  ولي  ټول  خلک  زما  لمانځنه     کوي ”؟  بلبل  ورته  وويل : ” يه ،  نه  پوهېږم.»

باز  وويل : ”  د  دې  علت  دادئ  چي  زه  خلکو  ته  ښکار  کوم  خو  هيڅ  نه  وايم ،  ياني  زه  هغه  مرغه  يم  چي  کار  کوم   او  څه  نه  وايم  او  ته  هغه  مرغه  يې  چي  وايې  خو  هيڅ  نه  کوې .  نو  موږ  بايد  کار  ډېر  او  خبري  لږ  وکړو .  ځکه  له  زياتو  خبرو  څخه  څه  ګټه  نه  اخيستل  کيږي

  ترتيب کوونکی :  عبدالعلي رسولزاده

منبع: www.pashto.se ، د ۲۰۱۷ کال د فبرورۍ لومړۍ نېټه

 

 د کاپي کولو په صورت کي د منبع او د بشپړ لينک زیاتول حتمي دي.

**************************************************
غوره ټېګونه:


**************************************************

هيله: لطفا زموږ سره مرسته وکړئ او راته د ماشومانو لپاره خپل نکلونه او اشعار راولېږئ. که غواړئ زموږ سره تماس ونيسئ نو پر دغه جمله کليک وکړئ.