155 ـ ګيدړه او لېوه

source of image: http://www.musevue360.com/blog/Fox%20in%20Well.jpg

 

 يوه  ګيدړه  په  يوه  ژور  څا  کي  و  لوېده ،  هر  څومره  چي  يې  زيار  و  کيښ  و  يې  نه  سوای  کړای  چي  د  څا  څخه  را  ووزي ،  نو  په  چيغو  او  نارو  يې  پيل  و  کړ .  نارې  سورې  يې  يوه  لېوه  واورېدې ، په  منډه  د  څا  غاړي  ته  ورغئ .  ګوري  چي  په  څا  کښي  يوه  ګيدړه  لوېدلې  او  نژدې  ده  چي  پکښي  مړه  شي .  خو  لېوه  د  دې  پر  ځای  چي  ګيدړه  له  څا  څخه  را  وباسي  په  داسي  خبرو  يې  پيل  وکړ :  ”زه  چي  تا  پدې  ژور  څا  کي  وينم  په  رښتيا  سره  ډېر  خوا  شينئ  يم .  خو  نه  پوهېږم  چي  ته  چا  پدې  څا  کښي  غورځولې  يې ؟  څو  ورځي  کيږي  چي  ته  پدې  کوهي  کښي  پرته  يې ؟  ايا  ساړه  او  يخني  دي  کيږي ؟  ژر  جواب  راکړه  چي  زيات  در  باندي  خوا  شينئ  شوم ”.

ګيدړي  ور  ته  وويل : ”  لومړی  ما  د  مرګه  خلاصه  کړه  او  بيا  چي  هر  سوال  کوې  جواب  به  يې  درته   ووايم ،  ځکه  اوس   د  خبرو  او  بحث  ځای  نه  دئ .  هره  خبره  او  هر  ټکی  ځانته  ځای  لري ”. 

 

 ترتيب کوونکی :  عبدالعلي رسولزاده

منبع: www.pashto.se ، د ۲۰۱۷ کال د فبرورۍ لومړۍ نېټه

 

 د کاپي کولو په صورت کي د منبع او د بشپړ لينک زیاتول حتمي دي.

**************************************************
غوره ټېګونه:


**************************************************

هيله: لطفا زموږ سره مرسته وکړئ او راته د ماشومانو لپاره خپل نکلونه او اشعار راولېږئ. که غواړئ زموږ سره تماس ونيسئ نو پر دغه جمله کليک وکړئ.